main_text
main_subtitle
our_trust
we_in_numbers
1. Tomonlarni aniqlash
1.1. Sotuvchi (Ijrochi):
“MARJAN AGENCY” MCHJ
Manzil: Toshkent sh., Uchtepa tumani, Zulfizar MFY, Taqachi ko‘chasi, 32-uy
Tel.: +998 (90) 014-16-66
E-mail: info@marjon.uz
1.2. Xaridor:
Marjon platformasi orqali taqdim etilayotgan dasturiy ta’minot va onlayn xizmatlardan foydalanish istagini bildirgan har qanday jismoniy yoki yuridik shaxs.
2. Taklif predmeti
2.1. Sotuvchi o‘zining onlayn platformasi va dasturiy ta’minoti orqali foydalanuvchilarga turli xizmatlarni taqdim etadi, jumladan:
- Reklama va marketing xizmatlari (“Marjon Reklama”),
- Logistika va yuk tashish xizmatlari (“Marjon Yuk”),
2.2. Platforma foydalanuvchiga buyurtma berish, to‘lovlarni amalga oshirish, xizmatni kuzatish va axborot olish imkoniyatlarini taqdim etadi.
3. Amalga oshirish shartlari
3.1. Xaridor platformadagi xizmatlardan foydalanish uchun ro‘yxatdan o‘tadi yoki mavjud hisob orqali tizimga kiradi.
3.2. Xizmatlar shartlari, muddati va narxlari har bir xizmat turi uchun alohida belgilanadi.
3.3. Platformadan foydalanish, to‘lovlar va xizmatlar ko‘rsatish tartibi ushbu Public Oferta asosida amalga oshiriladi.
4. Narx va to‘lov tartibi
4.1. Narxlar platformada ko‘rsatilgan amaldagi tariflarga muvofiq belgilanadi.
4.2. To‘lovlar quyidagi tizimlar orqali amalga oshiriladi: UZCARD, HUMO, VISA, MASTERCARD, Uzum Bank, Click, Payme va boshqa litsenziyaga ega to‘lov tizimlari.
4.3. To‘lov tizimlarining logotiplari to‘lov sahifasida joylashtiriladi.
4.4. VISA/Mastercard orqali amalga oshirilgan barcha operatsiyalar 3-D Secure (Verified by Visa / Mastercard Identity Check) orqali autentifikatsiyalanadi.
4.5. To‘lovdan so‘ng tranzaksiya tafsilotlari foydalanuvchi shaxsiy kabinetidagi “Tranzaksiya tarixi” bo‘limida saqlanadi.
4.6. Elektron kvitansiya (PDF) avtomatik tarzda berilmaydi; lekin foydalanuvchi yozma so‘rov yuborganda kompaniya uni elektron shaklda taqdim etadi.
4.7. Agar to‘lov tizimi komissiyasi mavjud bo‘lsa, u to‘lovni tasdiqlashdan oldin ko‘rsatiladi.
5. Tranzaksiyani bekor qilish va qaytarish tartibi
5.1. To‘lovdan keyingi 3 ish kuni ichida asosli sabab bo‘lsa, mablag‘ qaytarilishi mumkin.
5.2. Qaytarish uchun foydalanuvchi support@marjon.uz
manziliga tranzaksiya sanasi va raqamini ko‘rsatgan holda murojaat qiladi.
5.3. Qaytarish to‘lov amalga oshirilgan usulda bajariladi; bank kartalariga mablag‘ 3–10 ish kuni ichida qaytariladi (bank qoidalariga ko‘ra).
5.4. Qisman qaytarish mumkin.
5.5. Noma’naviy xizmatlar (kreativ, dasturiy yoki logistik) bo‘yicha qaytarish bajarilgan ish hajmiga mutanosib hisoblanadi.
6. Firibgarlik (mashennichestvo) haqida
6.1. “Marjon” platformasi foydalanuvchidan hech qachon PIN-kod, CVV, SMS-kod yoki karta ma’lumotlarini telefon, SMS yoki messenjer orqali so‘ramaydi.
6.2. Firibgarlikdan shubhalansangiz, darhol bankingiz yoki texnik yordam xizmatimizga murojaat qiling.
6.3. Firibgarlik xavfini kamaytirish maqsadida Uzum Bank’ning antifrod vositalari qo‘llaniladi, jumladan:
- 3-D Secure autentifikatsiya,
- kunlik va oylik tranzaksiya limitlari,
- shubhali operatsiyalarni vaqtincha bloklash,
- zaruratda shaxsni tasdiqlovchi hujjatlarni so‘rash.
6.4. Ushbu choralar Uzum Bank bilan tuzilgan ekvayring shartnomasiga muvofiq amalga oshiriladi.
7. Maxfiylik
7.1. Sotuvchi foydalanuvchi ma’lumotlarining maxfiyligini ta’minlaydi va ularni uchinchi shaxslarga faqat qonun doirasida taqdim etadi.
8. Taklif amal qilish muddati
8.1. Ushbu Public Oferta e’lon qilingan kundan boshlab, bekor qilinmaguncha amal qiladi.
8.2. O‘zgartirishlar platformada e’lon qilingan paytdan kuchga kiradi.
9. Nizolarni hal etish
9.1. Nizolar, avvalo, muzokara yo‘li bilan hal etiladi. Hal etilmagan hollarda, ular O‘zbekiston Respublikasi qonunchiligiga muvofiq sud tartibida ko‘rib chiqiladi.
10. Aloqa ma’lumotlari
“MARJAN AGENCY” MCHJ
Manzil: Toshkent sh., Uchtepa tumani, Zulfizar MFY, Taqachi ko‘chasi, 32-uy
Tel.: +998 (90) 014-16-66
E-mail: support@marjon.uz
Ish vaqti: Du–Ju, 09:00–18:00
Billing descriptor: MARJON PLATFORMASI